Syi'ir Tanpo Waton

SYI'IR TANPO WATHON

Ngawiti ingsun ngalar syi'iran

Kelawan muji maring pengeran

Kang paring rohmat lan kenikmatan

Rino wengine tanpo pritungan

Duh bolo konco priyo wanito

Ojo mung ngaji syareat bloko

Gur pinter ndongeng nulis lan moco

Tembe mburine bakal sangsoro

Akeh kang apal qur'an hadise

Seneng ngafirke marang liyane

Kafire dewe dak di gatek'ke

Yen isih kotor ati akale

Gampang kabujuk nafsu angkoro

Ing pepaes'e gebyare ndunyo

Iri lan meri sugihe tonggo

Mulo atine peteng lan nestho

Ayo sedulur jo nglale ake

Wajibe ngaji sak pranatane

Tur ngandel ake iman tauhite

Baguse sangu mulyo matine

Kang aran sholeh bagus atine

Kerono mapan sari ngelmune

Laku toreqot lan ma'rifate

Ugo hakekot manjing rasane

Al-qur'an qodim wahyu minulyo

Tanpo tinulis biso di woco

Iku wejangan guru waskitho

Den tancep ake ing jero dho-dho

Kumanthil ati lan pikiran

Mrasuk ing badan kabeh jerowan

Mukjizat rosul dadi pedhoman

Minongko dalan manjinge iman

Kelawan allah kang moho suci

Kudu rangkulan rino lan wengi

Di tirakati di riyadho'i

Dzikir lan suluk jo nganti lali

Uripe ayem rumongso aman

Dununge roso tondo yen iman

Sabar narimo najan pas-pasan

Kabeh tinakdir saking pengeran

Kelawan konco dulur lan tonggo

Kang podho rukun ojo mbok sio

Iku sunahe rosul kang mulyo

Nabi Muhammad panutan kitho

Ayo nglakoni sekabehane

Allah kang bakal ngangkat drajate

Senajan asor toto dhohire

Ananging mulyo makom drajate

Laur palastro ing pungkasane

Ora kesasar roh lan sukmane

Den gadang allah suargo manggone

Uduh mayite ugo ulese.